لمحبى رباعيات صلاح جاهين ........ وعجبى

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!

.............. أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

.............. عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!
................
ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!

.. ....... وعجبى على احلى كلام قاله فنان اندفن لكن روحه عايشه مع كل كلمه قالها

اختيار موفق يا امير بحيك عليه

واتمني اشوف المزيد من رباعيات جاهين .

ولك خالص ودي واحترامي ،،،،

احب ان اشكرك يا سندريلا على الكلام الجميل وهو فعلا صلاح جاهين قد ابهرنا بكتاباته الاكثر من رائعه ونورتى

زائر

بسم الله الرحمن الرحيم

الله عليك يا امير

تسلم ايدك بجد

انا بجد مش قدره اقول اد ايه انا مبسوطه بالربعيات بتاعت صلاح جاهين

انت بجد ابهرتني

لامي من عشاق صلاح جاهين

ربنا يوفقك

فعلا والله يا فراوله عندك حق هو صلاح جاهين ليه كتابات كثيرة رائعه وان شاء الله هحاول بقدر الامكان انى اقدر اجمع كثير من الكتابات لكاتب قد ابهرنا بكلمات من الذهب وشكرا ليكى على كلامك الجميل والرائع وان شاء الله القادم افضل ونورتى الموضوع