ماتيجي تتكلم معانا..!

تحبوا نتكلم فى ايه

اكيد كلنا عاوزين نتكلم

اكيد فى حاجة مضيقانا
قرفانه
وحاجات تانيه مفرحانه

لكن انا داخله وعاوزة اتكلم فى ايه؟؟

بجد مش عارفة
ده ياترى من كترالمشاكل
ولا من كتر ماتكلمنا

يعنى مثلا تيجوا نتكلم عن
العلاقات الاجتماعيه

علاقتك مع جارك اخوك
معاملات فى الشغل والحياه
عايش ازاى
انطوائى اجتماعى

ولا نتكلم عن الحب
فراق وغدر
ولا حب وعشق
سبتنى وسبتها
خدعتنى وخدعتها
ولا اتجوزتها

ولا نتكلم عن السياسه
حماس وطالبنان
ابو مازن وجورج
ولا نخلينا فى سياستنا
نتكلم عن الدعم والمرتبات
ولا عن اقتصادنا
والاسعار

ولا نتكلم عن الوزارات
نقل ومواصلات
تعليم وجامعات
قوة عامله وهجرة
تجارة ومعمار

ولا نتكلم عن التجار
مخدرات وانشاد
بيع وشرا
تذوير وخداع

ولا احسن نتكلم عن الشعر والادب
ابراهيم ناجى والعقاد
نزار وجويده
جاهين واحسان

نتكلم عن المشاكل
ولا زهقنا وفاض بينا
نتكلم عن المشاعر
ولا بقت مافينا ولا لينا

نتكلم عن الاسرة
الاب الشهم والام الحنون
الاخ اللى من دمى والصديق اللى فى دهرى
الخال والعم

خيانه ولا حب
غنى ولا فقير
حى ولا ميت
دين ولا دنيا
صراحة ولا خداع
سرقة ولا شرف

بجد معرفش انا تعبت من الكلام
ومن كتر المواضيع
ياترى مناقشتنا دى ليها نتيجه
اكيد ليها والا ماكناش تعبنا نفسنا وردينا واتكلمنا

ولا تيجوا نتكلم بوجه عام
كل اللى مخنوق من حاجة
كل اللى نفسه يتكلم فى حاجة
ادخل واتكلم
واحنا هانرد
قول اللى جواك
فرحان
زعلان

ولا مش عاوز تتكلم خالص
عاوز ترد ولا مالكش نفس

السلام عليكم ورحمه الله وبركاته
بجد موضوع جاااااااااااااامد اخر حاجه
ياجماعه فرصه كل اللى نفسه فى حاجه يقولها
لو عنده اى موضوع مضايقه او مفرحه ونتكلم كلنا مع بعض
ونشارك بعضنا
انا عن نفسى معنديش اى حاجه دلوقتى
بس اكيد هيبقى عندى بعد كده
مشكوووووووووووووووووره
تحيـــــــــــــــــــــ دودو ــــــــــــــــــاتى

ايه الجمال ده يا نونا بجد مواضعيك ملاهاش حل
انا فرحان عشان اخيرا خلصت امتحانات وخدت الاجازة

انا زهقان من اللى بحصل فى البلد
الناس بقى مخنوقة
اموات وهم فيه الروح
عذاب كل يوم
غير منتهى
بسبب لقمة العيش والمصروفات والدورس والملابس
حاجات كثيرة
والدخل هو هو مش بقدم نهائى ابدا