واللـــــــــه بعوده يـــــا رمضــــــــــــــــــــــــان..

زائر

بسم الله الرحمن الرحيم

كل سنه وكل عضو بخير هو واهله واصحابه واحبابه والامه المحمديه الاسلاميه بخير وحب وامان
اللهم اميــــــــــن

رمضــــــــــــــــــــــــــــــان.....كريــــــــــــــــــــــــــــــــــــم

يعني ايه رمضان.........
اطلع الشارع او بص من شباك بيتك علي الشارع هتلاقي رمضان بكل معانيه وهتحس بيه بجد.

قبل حلول الشهر الكريم علينا بالخير بص للشارع هتلاقي الاولاد والبنات في تجمع كبير امام بيوتهم بيستعدوا لاستقبال الشهر الكريم بايامه ولياليه الغاليه.... وبيركبوا الزينه الجميله اللي بتلالي في الشوارع والبيوت وبتهلل لاستقبال الشهر الكريم
اتفرج واتمعن كل واحد عاوز يعلق هو الزينه وكلهم بيتخانقوا مين اللي هيعلق اكتر عند بيته ومين اللي دفع اكتر ومين اللي له الحق فيها .
واشكال الزينه الجميله المختلفه الملونه الهايله والورق اللي الاولاد بيعملوها بايديهم واللي بيشتروها ملونه وعلي اشكال كتير منها المثلث ومنها المربع ومنها الهلال ومنها الجوامع واشكال تانيه كتير مختلفه.
ولالاهم منها اللي الاولاد بيعملوها باديهم بيبقوا فرحنين جدا بيها وبيحسوا برمضان اكتر بيها
ويعلقوها في بيوتهم ويملو الشارع بيها.
والفوانيس اللي كل واحد بيعلقها في بالكونة بيته علشان ينوره ويخليه يلالي مع الزينه الجميله
والفانوس اللي كل الشارع بيشترك فيه ويعلقوه في وسط الشارع

الله عليك يا رمضان ..........بتجمع الناس للاحتفال بيك

اتفرجوا بقي علي الشارع بعد كل ده هتحس ان الشارع بقي بيت واحد من سقف كله حب وترابط بين الناس والجيران وانت عيله واحده .
الله الله الله
والله بعوده يا شهر الخير

ويهل الشهر الكريم وكل ثانيه من ساعاته تسمع كل الناس بتهني بعضها بيه وكلهم بيقولو كل سنه وانتوا طيبين اللي يعرفوا بعض واللي ميعرفوش بعض بيهنوا بعض علي الشهر الفضيل...

اما بلليل اتفرج علي السما هتلاقي النجوم فيه منوره بزياده وبتلالي والسما مليانه بالنجوم علي غير العاده
اتكلمت مع نفسك وقولت سبحان الله يا تري ليه النجوم كده الايام دي..........

انا اتكلمت مع نفسي وبعد ما تفرجت علي علي النجوم ... رجعت بصيت للشارع ولاقيت الجواب

النجوم بتهلل وفرحانه بالشهر الكريم لانه بيجمع كل العباد في بيوت الله الجوامع بيصلوا ويكبروا ويستغفروا ويتوبوا عن ذنوبهم ويحمدوا الله علي كل نعمه وبيدعوا ويذكروا الرحمن في كل دقيقه ويصلوا علي الحبيب المصطفي صلي الله عليه وسلم

و يخرجو من بيوت الله ويبدؤ ياصيلوا الرحم ويزوروا بعضهم ويعطفوا علي المساكين والمحتاجين....

الله عليك يا شهر الرحمه والمغفره والحب والموده والتوبه والاستغفار والامان من النار والمتعه بالفوز بالجنه

وسالت نفسي وقولت ليه الايام الكريمه دي متكونش طول السنه
وكان الجواب
ان دي حكمه من الرحمن الرحيم ان الشهر الفضيل يكون فرصه للعباد كلها للرجوع الي الله والتوبه
والمسارعه الي مغفره منه والفوز برضي الله وكتابة اسه في الجنه
سبحان اللـــــــــــــــــــــــــــــــــه ولا اله الا اللـــــــــــــــــــــه

يا رب دوم علينا الخير والرحمه في قلونا وعاود عليا الايام الكريمه بيخير
اللــــــــــــــــــــــــــــــهم اميـــــــــــــــــــــــــــــن

كل سنه وانتوا طيبين

بس يا قمر الكلام دا كان زمان

دلوقتى

مبقاش حد بيحسي بي

مش عارف لية

زى ما تقولى كدا فرحتو راحيت

يا ام احنا الا كبرنا

عموما شكرا اوى يا قمر على الموضوع الجميلة اوى دا

وفى انتظار المذيد

زائر

بسم الله الرحمن الرحيم
لا والله يا اسلام انا السنه دي اتفرحت علي البنات وهي بتعلق الزينه وبيستغدو للشهر الكريم
وكل اللي قولته ده بشوف كل ليله جميله بتمر من ليالي رضان

هو فعلا مش في كل الاماكن وفعلا مبقناش نحس بيه زي الاول
بس الروح الجميله بتاعته موجوده
واحنا اللي اتغيرنا مش اللايام والشهر الكريم
مشكور يا غالي علي مرورك وردك

السلام عليكم ورحمة الله وبركاته

ميرسي كتير ليكي يا فري على موضوعك الجميل ده اووووووووي وبجد والله بعودة يارمضان يا شهر الرحمن يا شهر المغفرة والقرآن

وعايزة اقولك ان بجد مهما كبرنا بردو رمضان بيبقى ليه لذه لوحده بيبقى ليه طعم لوحدة

وانا عن نفسي بحضر بردو قبل رمضان بالزينة وبفرح مع اللي قدي واصغر مني واكبر مني كمان بحس ان في فرحة جايه هاتعم عليا كلنا

وبقول لاسلام مهما كبرنا رمضان هايفضل هو رمضان والعيد هو العيد وكل واحد فيهم ليه طعم احلى من التاني وبهجه وفرحة احسن من التانية

والله بعووودة يا رمضااااااااان

الف شكر ليكي يا فري يا متألقة يا سكرة المنتدى وتسلم ايديكي ياروحي

مشكوووووووووووووووووووووووورة

ربنا يوفئيك

نـــــــــــونـــــــــــــا

زائر

بسم الله الرحمن الرحيم

ايه النور ده اللي هل عليا

منوره يا اجمل بنوته

مرسي لمرورك العالي وردك علي موضوعي

ويا رب ما تغيبي عني كده تاني