شبكة منتديات ويزو

مش حتقدر تبربش عينيك
 
الرئيسيةبحـثاليوميةالمجموعاتالأعضاءالتسجيلس .و .جالبوابةدخول

شاطر | 
 

 يا بنات كشفت الشباب خشو شوفو

اذهب الى الأسفل 
كاتب الموضوعرسالة
mer0o0

@ "::ويزو ماسى::" @@
avatar

ذكر
عدد الرسائل : 238
العمر : 98
تاريخ التسجيل : 13/08/2007

مُساهمةموضوع: يا بنات كشفت الشباب خشو شوفو   الأربعاء أغسطس 29, 2007 2:01 pm


إعرفي ازاي تخطفي قلب شاب ؟؟

هديكي 99 نصيحة عنهم و صدقيني أثبتت صحتها عمليا بس التزمي بس أنتي و شوفي النتيجة و باريت تفرحينا بالنتايج بكرت دعوة لخطوبة أو فرح ههههههههههههههههههههههههههههه و مستنياكي يعني اوعي تضربي طناش اوكي
اما بقا للشباب اللي دخلوا الكلام ده في صالحكوا

------------------------------------------------------------------------------------------

1- الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة .

2- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

3- ممكن الشاب يعجب بيكي للحظة و ينساكي بعديها ولا كأنه شافك قبل كده .

4- لما الشاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيو .

5- "بتعملي إيه ؟" أو "كلتي ولا لسة ؟" دي أول أسئلة يسألها الشاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الشاب يحبك بيتجاهل كل عيوب شخصيتك .

8- ابتسامة فرح جميلة منك بالدنيا واللي فيها عند الشاب .

9- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12- الشاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشاب بيعيط (مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشاب عشان تتخانقوا ..........صدقيني هتتخانقوا هتتخانقوا .

15- الشاب ميعرفش يحلم و يتأمل كتيير زيك و معندهوش صبر عايز كل اللي يتمناه يتحقق في ثانية .

16- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه) .

18- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك .

19- الشاب بيتجنن لما بيلمس ايدك .

20- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتهته و كأن القطة اكلت لسانه .

21- لما الشاب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22-قولي للشاب أنتي عايزة إيه منه بالظبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشاب " لأاااه " بيسمعها هوا حاول تاني بكرا (معلش أطرش هههههههههههههه) .

24- الشاب بيكره الشاب الفافي .

25- الشاب بيموت في أمه (يعني كلوا الا هيا) .

26- الشاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .

29- الشاب لو قالك بحبك مرة واحدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

31- زي ما حصل مع امنا حوا و ابونا آدم * أنتي نقطة ضعف الشاب (استغلي المعلومة دي كويس هههههههههه ).

32- صح انك تجربي الشاب الأول قبل ما تصدقي كلامه * بس متسيبيهوش مستني كتير برة دائرة ثقتك .

33- الشاب غالبا بيبقى صريح قوي لما يجي يتكلم عن نفسه .

34- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله (يا كثووفي يا كثوفي).

35- الشاب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .

36- الشاب بيحب البنت المحترمة حتى لو مكانتش أمورة للدرجة .

37- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من موله بلا حمص ايد ورا و ايد قدام ) .

38- الشاب لو شكالك همه و حكالك عن مشاكله * هوا مش عايز منك غير انك تسمعيه * واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

39- حركة لا إرادية الشاب بيعملها فيكي لما تكوني أنتي حبيبته * يفضل يضايقك و ينرفزك و يغيزك و يعلق على كل كلمة تطلع من بقك .

40- الشاب لو حبك و كنتي مرطبتة هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك ) .

41- الشاب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .

42- الشاب بيحاول يجيب الهدية اللي ممكن تعجبك * صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .

43- عملياً الشاب بيتفاخر عن كل حاجة تخصه ( ده أساسي يعني هههههههههههه ) .

44- الشاب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .

45- الشاب دماغه مبتهداش على طول بتودي و تجيب مبيبطلش تفكير ابدا .

46- الشاب خيالو واسع قوي (يرمح فيه الخيل يعني . . . ههههههههه) .

47- الشاب طولك عندو مش مهم بس صدقيني مفيش عندو أهم من وزنك حااااسبي .

48- الشاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

49- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .

50- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .

51- لازم لازم لازم الصراحة يعني تقولي للشاب أنتي بجد مستنية إيه من علاقتكوا ببعض .

52- تحذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمره ماهيكبر و يعقل ويبطل لعب العيال وانا عملت اللي عليا و قولتلك عشان متقو يش miro مقالش .

53- لو حصلت ظروف مش قد كدة غالباً الشاب بيلوم نفسوا أكتر بكتييير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .

54- الشاب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

55- الشاب يكون مع الناس كلها واد إيه أسد مرعب محدش يقدر يفتح بقوو معاه * بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

56- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة * شوفي اذا كان عرقان هتعرفي أد إيه هوا متنرفز .

57- لما الشاب يقولك انو مجنوون بيكي * يبقى فعلا حبك عملو جنان م غالباً مش بيكدب .

58- لما الشب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .

59-الشاب في الحقيقة غالباً ملوش قرار نهائي ( وخدي بالك من النقطة دي) .

60- لما الشاب يحبك * بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

61- لما الشاب يسيب التهريج و يبقى عايز يتكلم بجد * إسمعيه و وريه اد إيه أنتي مهتمة .

62- لو الشاب فضل ساكت و قافل بقوو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .

63- الشاب ما بيآمنش بالحب من أول نظرة على عكس معظم البنات * وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .

64- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

65- الشاب ميحبش البنت المسترجلة اللي البوكس منها يودي الواحد روسيا بس من غير طيارة هههههههههه .

67- الشاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mer0o0.hi5.com
asieer_al7oob

@ ":: مشرف::" @@
avatar

ذكر
عدد الرسائل : 1653
العمر : 30
الموقع : www.wizo.4umer.com
البلد : فى قلب احبابى
تاريخ التسجيل : 16/08/2007

مُساهمةموضوع: رد: يا بنات كشفت الشباب خشو شوفو   الأربعاء أغسطس 29, 2007 2:13 pm

ثانكس يا جميل على الموضوع وانا عايز اشوف البنات فى الموضوع دة هقوله اية ؟؟؟؟؟؟

_________________
متغيب لفترة طويلة شوية لظروف مرضى
واكيد هتوحشتنى جدا
الى لقاء قريب
محمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.wizo.4umer.com
zozo4love

@ "::ويزو جديد::" @@
avatar

انثى
عدد الرسائل : 9
العمر : 31
تاريخ التسجيل : 11/08/2007

مُساهمةموضوع: رد: يا بنات كشفت الشباب خشو شوفو   الجمعة أغسطس 31, 2007 2:28 pm

حلوة النصائح اوووووووووووووووى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.yahoo.com
NoNa*WiZo

@ ":: دلـوعـ المنتدىـــة::" @@
avatar

انثى
عدد الرسائل : 1158
العمر : 29
تاريخ التسجيل : 06/08/2007

مُساهمةموضوع: رد: يا بنات كشفت الشباب خشو شوفو   الثلاثاء سبتمبر 04, 2007 11:16 am

السلام عليكم ورحمة الله وبركاته

ميرسي يا ميرو على موضوعك الجميل ده

وميرسي كمان على النصايح

تسلم ايديك يا جميل

مشكووووووووووووووووووووووووووور

ربنا يوفئك
نـــــــــونـــــــــــــــا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.wizo.4umer.com
mer0o0

@ "::ويزو ماسى::" @@
avatar

ذكر
عدد الرسائل : 238
العمر : 98
تاريخ التسجيل : 13/08/2007

مُساهمةموضوع: رد: يا بنات كشفت الشباب خشو شوفو   الثلاثاء سبتمبر 04, 2007 11:49 am

مشكور يا نونا على مروروك الجميل
ومشكور يا زوزو على مرورك الجميل دا وانشاء الله متعرفوش تعملوا حاجه بالنصايح دى
عشان نعرف نعمل معاكوا حاجه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mer0o0.hi5.com
إسلام بيبو

@ "::ويزو ماسى::" @@
avatar

ذكر
عدد الرسائل : 283
العمر : 30
تاريخ التسجيل : 01/11/2007

مُساهمةموضوع: رد: يا بنات كشفت الشباب خشو شوفو   الجمعة نوفمبر 09, 2007 2:20 pm

اولآ انتى قولتى 99 نصيحه كمليهم
ثانيآ البنت علشان تحفظ النصائح ده كلها عاوزه كام سنه
كمان الولد ويحب البنت المتجدده
وشكرآ على نصايحك الغاليه ده اللى هاتفيد البنات بس برده فيها فايده لينا
هههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wizo.4umer.com
فروله
زائر
avatar


مُساهمةموضوع: رد: يا بنات كشفت الشباب خشو شوفو   الأربعاء نوفمبر 14, 2007 3:01 am

بسم الله الرحمن الرحيم
هايل جدا يا ميرو النصائح دي
تسلم عليها يا غالي
بس زي ما بيبو قال زي ما انت بتنصحنا بتنبه الولاد كمان
هههههههههههههه
عموما مشكووووووور يا غالي علي المجهود
الرجوع الى أعلى الصفحة اذهب الى الأسفل
ham@da

@ "::ويزو ماسى::" @@
avatar

ذكر
عدد الرسائل : 251
العمر : 28
البلد : EGYPT\Cairo
تاريخ التسجيل : 03/01/2008

مُساهمةموضوع: رد: يا بنات كشفت الشباب خشو شوفو   الخميس يناير 31, 2008 3:13 pm

مشكووووووووور يا ميرو على تسريب
المعلومات لصحابتنا بس مش مهم برده
مش هيعرفوا يهزمونا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://wizo.4umer.com/profile.forum
 
يا بنات كشفت الشباب خشو شوفو
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة منتديات ويزو :: 

@ ":: صفحة MiZo_WiZo الرئيسية::" @ :: 

@ ":: أســـــــــــرة ويــــــــــــــزو ::" @ :: "::شباب ويزو روش طحن وبنات موز موز::" ::  ":: بنات موز موز ::"

-
انتقل الى: